Пак сись поїзд не останавлюєся у Мукачові - анекдот дня

Їде чоловік у поїзді .. підходить до проводника тай звідать:
- Повічьте, будьтте-добрі, у кілько годин буде остановка у Мукачові?
- Пак сись поїзд не останавлюєся у Мукачові, а онь у Ужгороді... се скорый поїзд...
- Пак як ото так?! - мірігуєся чоловік - мені у 10 годин строчно треба боти у Мукачові!
- Но незнаву... - отвічать проводник - пак ся вернете із Ужгорода у Мукачево...
- Пак я не маву час! Кажу Вам, шо строчно ми треба у Мукачево...
- Єдінствінноє, чим Вам можу помочи, попрошу машиніста, як будеме проізжати вокзал у Мукачеві, оби мало збавив скорость.... я Вас імлю за пояс, утягну із поїзда і буду помали опускати на зимлю... а коли вже будете ся ногами касати перона, одпущу Вас...
Добре. Так ся і договорили. Проїзжавучи Мукачево, імив проводник чоловіка за пояс нагавиць, усунув го із тамбора, держить го єднов руков у воздусі, другов ся держить за поручні би і сам не упав... чоловік махать у воздусі руками, нагами таяк би біг... проводник го помали опускать... коли чоловік вже торкнувся ногами перону і став бігти по ньому, проводник одпустив го, помахав му і чоловік, біжучи за поїздом, начав помали збавляти скорость свого бігу... видить як повз нього проізжає п’ятий вагон... шостий... сьомий.... і послідній ... у тамборі якого стоїть тай курить якиісь чоловік... одкривать тот чоловік двирі тамбора, хватать за руку сього шо біжить і затягує го обратно у поїзд ...
- Маєш щастя, чоловіче, шо я туй стояв курив, иншак бись на сись поїзд не встиг...