Новини по нашому 3 245 Переглядів 5 Рейтинг

"Гурка, пікниця і шовдярь" - три спокуси Закарпатця (Фото)

листопада 13 / 2021
[[center]
ГУРКА, ПІКНИЦЯ І ШОВДАРЬ – ТРИ СПОКУСИ ЗАКАРПАТЦЯ.
Вы настоящый закарпатець и Вас мош упознати хуть де в світі, кидь:
1.. Вы говорите сим неповторным, унікальным языком.
2. Вас штось звідавуть, авать Вас у чомусь переконувуть, та Вы удповісте : «Гонно быти»
3. У Вас дорога машина, Вы маєте гроші, но на базарі и так ся токмите, бо така традиція.
4. Ваша жона на фіргонкы тратить більше гроши, ги дакотра на шубу.
5. Вы сам знаєте учинити всьо свойими руками и у Вас є на вто вся серсама.
6. Коли зустрічаєте знайомого обізатєльно го кличете «Зайди на кавиль».
7. Як бы довго ни сиділи у Вас гості, коли ся вни збиравуть ити гет Вы обізатєльно кажете: «Де ся пилуєте? Сидіть ищи!».
8. У якоє бы убшарря Вы ни зайшли, обізатєльно!!! будете хвалити ґаздів: «Як исьте ся файно уладили!».
9. Як бы тяжко ни стояли Ваші фінансові діла, но кідь у Вас гостина-всьо має быти на высшому рівні из челленов ікров ( кількість ікры значення нимає).
11. Вы перепробовали ушиткі делікатесы на світі и поняли ош домашньий шовдарь май добрый.
13. Вас у гостях слабо силовали та Вы ся обідили.
14. На любу гостину Вас мавуть кликати мінімум двычі, обы Вы были уверенні ош Вас хочуть відіти (на свальбу тричі).
15. Вы всьо вкладаєте в хыжу, вбы была паранна, а на себе кідь ся впстане.
16. На Великдень Вы дітьом и собі купуєте нові топанкы.
17. Мало говорите в діалозі, но много подразуміваєте.
.........
ІДЕНТИФІКАЦІЯ ЗАКАРПАТЦЯ
18. За любу послугу закарпатиць вкажете «Но раз дякуву, мы пак из того уйдеме»
19. Кідь у закарпатця кось пуд хыжу став та ни закликати го на кавиль ото дурный тон! Даколи чилянник ся й ганьбить (може штримфлі в нього цураві) та всяко ся удговорює,но та товды хуть у двір лабов має стати и чимись ся пригостити. Є што й дисять кавилів (растворімых!) сяк уп’є.
20. Порядна гостя обізатєльно взьме рецепт колача, якый на гостині, чим вознесе ґаздыню на небеса уд гордости!
21. Кідь після любої закарпатської гостины нішто веричи курьом и свиням, товды гостина была скупа.
22. Кідь закарпатиць ходить у старому цурьови, у пірваных топанках, заправляє машину на 50 грн., та вто ни значить ош він ковдош, просто нихоче долары міняти.
23. Закарпатиць усе помнить тот період, коли міняли по 30 рублів на мадяры и розказує тото дітьом, внукам , як ся починав його бізнес.
24. У закарпатця дітвак має гнати машину не з 18 років, а уд коли достає до педалів.
25. Закарпатська жона у мельчайших деталях помнить свої роды ,поіменно всю зміну, ко приймав тоті роды, у ниї точный список, ко быв ид нів у роддом
26. Закарпатиць усе думать про вто ош што люди вкажуть!
27. Самый великый стимул штось робити ото: «Треба ....,бо ганьба вд люди»!
28. Закарпатиць, попадавучи в больницю, вообще ся ни журить свойым діагнозом, а журиться ци ни мало дав дохторови.
29. Закарпатиць усе має гроші на чорный динь, які мош покітити лиш куй ни дай Боже кось хворый,на візу в Чехы, на путь у Чехы.
30. На таможнях закарпатиць чуствуєся як дома, при любых запрєтах и так усьо провезе.
31. Даже дуже багатый закарпатиць має дарабчик зимлі, де штось садить для задоволення.
32. Закарпатиць ниґда ни вчинить підлоє цімборови, кумови, сусідови, родичови.
33. Кидь ся зустрічавуть дись у світі два закарпатці та вни так дообсуждавуть своє коріння, ош окажуться родичами.[center]


Категорія : Новини по нашому


Залишити Коментар