Зорро емігрант уродженець з Закарпаття - Михайло Чухран

Переникавши ушиткі фільми про Зорро, рішив-им дослідити біографію сього героя и з радостю узнав-им, што ун є наш земляк!
Народився Зорро у селі Зоррічово Угочанського комітату - ныні Зарічово, Іршавщина (ци вже Мукачовщина). Змалку полюбив капусту, та боровся за "капусту" и емігровавши у Каліфорнію.. Забирав гроші у богатих, типа, опришок, и роздавав дівкам тай корчмарям. Словом, точно наш челядник. Цімборовався дома из циганьми, бо любив коні, а за океаном - из мексиканцями, што лишило слід у його русинсько-мексиканському лексиконі
Ко в хыжи сомбреро носит?!
Текіла не вода, пити 'ї не шкода..
Сеньйора з воза - мустангу майлегко.
Не пужай кактус голим задом.
Не чини з Хуана пана
Не край ми серце тупым мачете.
Єдно ми ся в ньому не любит - маску носит не на носі-роті, а чогось на очох!
А може, вже провакциновався...